Psa 24:1-6 | SwhKC | STEP | (Zaburi Ya Daudi) Dunia ni mali ya Bwana , na vyote vilivyomo ndani yake, ulimwengu, na wote waishio ndani yake,

Psalms 24:1-6

Mfalme Mkuu

(Zaburi Ya Daudi)

1 ^aDunia ni mali ya Bwana, na vyote vilivyomo ndani yake,
ulimwengu, na wote waishio ndani yake,

2 ^bmaana aliiwekea misingi yake baharini
na kuifanya imara juu ya maji.

3 ^cNani awezaye kuupanda mlima wa Bwana?
Ni nani awezaye kusimama patakatifu pake?

4 ^dNi yule mwenye mikono safi na moyo mweupe,
yule ambaye hakuinulia sanamu nafsi yake
au kuapa kwa kitu cha uongo.

5 ^eHuyo atapokea baraka kutoka kwa Bwana,
na hukumu ya haki kutoka kwa Mungu Mwokozi wake.

6 ^fHiki ndicho kizazi cha wale wamtafutao,
wale wautafutao uso wako, Ee Mungu wa Yakobo.